Category Archives: Barn og unge

Sommarens Storsamling, IMS sitt årsmøte på Stord 21.-23. juni 2019

Det nærmar seg tid for Sommarens Storsamling og Indremisjonssamskipnaden sitt årsmøte på Stord 21.-23. juni. Dette året er det indremisjonslaga på Stord som er vertskap, og tema for helga er «Forventning». Vi gler oss til gode samlingar og fellesskap i Stord Idrettspark på Vikahaugane. 

Av høgdepunkta kan vi nemna:

Sommarkveld på fredag, og dei som vil delta er Silje Rydland m/band, John-Inge,Gunhild og Oda Rolfsnes, Eirik Stensland, Linda Nordtun og Lene F Nesse. Eit variert utval song og musikk som vi trur vil femna alle.

Opningsmøte og bibeltime laurdag føremiddag, Utsendingsmøte på dagtid og Stormøte laurdag kveld. Under utsendingsmøte vert det opplegg for born og ungdom. 

Søndag vert det Gudsteneste/festmøte og helga vert avslutta med Storsamling.

Vi vil ynskja velkomen til liten og stor, her vert samlingar for alle aldrar.

Du finn heile programmet her, og du kan melda på til måltid, barne- og ungdomsopplegg, bubil-/campingvognparkering, osv. her.

For meir informasjon om barn- og ungdomsopplegget på Sommarens Storsamling sjå her – eller: www.facebook.com/imsungno

Vi takkar hovudsponsorane for Sommarens Storsamling 2019:

No startar ny LEIRSESONG!

Har du eller nokon du kjenner lyst å reisa på leir? Då må du sjekka her og sjå om du finn ein leir som passar!

Vi har leirar på Helgatun og på Brandøy. Helgatun ligg i Myrkdalen, og reiser du på ein av leirane der er det gode muligheter for å få leika ute i snø. På Brandøy som ligg i Vindafjord, kan vi og håpa på snø, men her er det nok større sjans for leik i gymsalen.

På Brandøy startar leirsesongen med Hausttreff for 10. klasse og eldre, så er det Miniadventshelg for 2.-5. klasse, så Ten-Helg for 8.-10. klasse og så avsluttar vi med Adventshelg for 5.-7. klasse. 

På Helgatun startar vi med Juleverkstadleir for dei frå 4 – 10 år med følgje. Seinare er det Førjulshelg for 4.-7. klasse parallelt med Ungdomshelg for 8. klasse og eldre.

På leir har vi det kjekt, her er bibelsamlingar, gruppearbeid, aktivitetar, uteleik, inneleik, kveldssamlingar, leirfest, måltid og kiosk. Kjenner du nokon dette kan passa for, tips dei!

 

Det nærmar seg tid for Haustmøtehelg

Det er med stor glede vi atter ønskjer velkomen til Haustmøtehelg på Leirvik. Denne gong med litt endringar i opplegget.

Fredag kveld vert det Go’fredag slik det har vore dei siste åra. Dette skal vera ein kveld fylt opp med smil og alvor, god mat og god prat. Ein kveld med senka skuldre. I år vert Astrid Dalehaug Norheim med og snakkar om «Kraft til kvardagslivet». Praise frå Skjold/Vats har ansvar for å leia oss gjennom det musikalske, Marinaden på Bremnes leverer maten, og Svein Bjarne Aase vil leia oss gjennom kvelden.  Husk å meld deg på i tide, du kan gjera det her!

Laurdag er det klart for IMS sin eigen teneste- og leiarkonferanse KRAFT 2018. Ein konferanse for alle interesserte, enten du er leiar i eit barne- eller ungdomslag, med i eit styre, er med i teneste på ulikt vis, kunne tenkt deg å bli med i teneste, ikkje er med – men har lyst å få dagen med likevel. Velkommen uansett. Her kan du melda deg på!

Søndag vert det lokale haustmøte rundt om i bygdene. Sjå plakaten og finn næraste møte du kan gå på. 

KRAFT 2018 – Teneste- og leiarkonferanse 29. september

Det er med stor glede og forventning IMS inviterer til teneste- og leiarkonferanse på Leirvik bedehus siste laurdag i september. Ei engasjert arbeidsgruppe beståande av Johannes Olsen, Kjetil Fyllingen, Sara Brosvik, Arne Lindekleiv, Marte Kvilhaugsvik og Marit Hårklau Ådnanes har utarbeidd program saman med bidragsytarane og IMS-administrasjonen.

faldaren vil du sjå at det er mange involverte gjennom dagen.

Konferansen er for alle interesserte; enten du er leiar i eit barne- eller ungdomslag, med i eit styre, er med i teneste på ulikt vis, kunne tenkt deg å bli med i teneste, ikkje er med – men har lyst å få dagen med likevel. Velkommen uansett!

På KRAFT 2018 vil du treffa mange som brenn for det dei står i. I tillegg til aktuelle tema for undervisning og samtale, er den relasjonelle biten også viktig ein slik dag. Me oppmodar mange om å reisa saman frå ei bygd. Det er mest nyttig og kjekt.
Legg merke til at me legg opp til to prisar; ein ved påmelding før 3. september og ein frå 3. september. Ved påmelding skal du også kryssa av for kva nettverk og seminar du ynskjer å få med deg. Kva speed learning postar du ynskjer å få med, vel du der og då. Betaling ved registrering om morgonen 29. september. Viss det er laget som skal betala for deg, sender me rekning. Det blir påminningar over ferien, men alt no går det an å melda seg på.
Trykk her for program.      
Trykk her for påmelding.

Sommarens Storsamling og årsmøte 2018

Det nærmar seg tida for Sommarens Storsamling og årsmøte. Helga er 8.-10. juni og tema er «Saman». Denne gongen er det Ølen og omegn som er vertskap, og me gler oss til flotte samlingar og fellesskap i Ølen idrettshall. Utsendingsmøtet vert på Kyrkjetunet i Ølen. Overnatting kan skje m.a. på Brandøy (sjå oppslag i Venen) Påmelding kan gjerast her.