Category Archives: Nyhende

KRAFT-helg 2019 -tidlegare Haustmøte

Velkommen til IMS si KRAFT-helg 27.-29. september. Dette er tidlegare haustmøtehelg med litt endra konsept.

Fredag kl 1900 blir det Go`fredag med heimelaga supper, dessert- og kakebuffet. Det blir song og musikk ved Håkon Tolås. Tema ved Roar Flacké: «Å sjå slik Gud ser». Pris kr 250,-. Påmelding innan 25. september her.

Laurdag blir det teneste- og leiarkonferanse der alle er velkomne. Etter mange gode tilbakemeldingar i fjor, gler me oss til igjen å møtast til viktig fellesskap og god undervisning. Merk deg at det vert noko dyrare ved påmelding etter 20. september. Spesialpris for ungdommar under 25. år. Fullstendig program for konferansen her. Påmelding her
Laurdag kveld vert det «Vi møtest». Tale ved Andreas Evensen. Sara og Torbjørn Brosvik er kveldens gjester. Song ved Kerysso. Alle velkomne! Kollekt!

Søndag vert det lokale møter på Gilje bedehus, Zoar Halsnøy, Uggdal (Jensvoll bedehus), Fosse bedehus, Hiskjo bedehus, Øvrebygda bedehus, Husnes bedehus, Salem bedehus på Moster og Samnanger bedehus.

IndremisjonsVenen nr. 4 – 2019

IndremisjonsVenen nr. 4 – 2019 kan du lesa her

 

God sommar!

Det nærmar seg ferietid, også for oss i IMS.
Før me tar ferie, vil me nytta høvet å ynskja deg god og velsigna sommar.
Takk til alle som var med og gjorde Sommarens Storsamling så flott. Takk for viktig og oppmuntrande fellesskap!
Her hadde me fokus på fast givarteneste. Me er svært takknemlege for 35 nye faste givarar (enten nye eller givarar som auka beløpet).
IMS-kontoret er stengt veke 28-31.

Ekstraordinært årsmøte i IMS

Med bakgrunn i vedtak frå årsmøtet på Fitjar i 2016 og vedtak i IMS-styret i april 2018, har styret for Helgatunlia Borettslag jobba fram prosjektet med bygging av 74 leiligheiter, fordelt på 6 bygg, i lia over Helgatun. Prosjektet er byggeklart med planlagt oppstart for grunnarbeidet i august 2019.

Prosjektet vart grundig presentert i årsmøtet på Stord 22. juni 2019, og det vart informert om tilbod om finansiering gjennom Sparebanken Vest. Banken har strenge retningslinjer, og når ei foreining skal stå som kausjonist må det heimlast i eit årsmøtevedtak. Dette er bakgrunnen for at vi kallar inn til Ekstraordinært årsmøte, torsdag 8. august kl. 18.00 på Leirvik Bedehus. Vi håpar mange utsendingar har anledning å møte sjølv om det er både sommar og ferietid. 

Ynskjer du tilsendt sakspapira kan du senda mail til post@indremisjonen.no (i ferietida vert mailen lest sporadisk)

Du kan melda på utsendingar her

 

Sommarens Storsamling, IMS sitt årsmøte på Stord 21.-23. juni 2019

Det nærmar seg tid for Sommarens Storsamling og Indremisjonssamskipnaden sitt årsmøte på Stord 21.-23. juni. Dette året er det indremisjonslaga på Stord som er vertskap, og tema for helga er «Forventning». Vi gler oss til gode samlingar og fellesskap i Stord Idrettspark på Vikahaugane. 

Av høgdepunkta kan vi nemna:

Sommarkveld på fredag, og dei som vil delta er Silje Rydland m/band, John-Inge,Gunhild og Oda Rolfsnes, Eirik Stensland, Linda Nordtun og Lene F Nesse. Eit variert utval song og musikk som vi trur vil femna alle.

Opningsmøte og bibeltime laurdag føremiddag, Utsendingsmøte på dagtid og Stormøte laurdag kveld. Under utsendingsmøte vert det opplegg for born og ungdom. 

Søndag vert det Gudsteneste/festmøte og helga vert avslutta med Storsamling.

Vi vil ynskja velkomen til liten og stor, her vert samlingar for alle aldrar.

Du finn heile programmet her, og du kan melda på til måltid, barne- og ungdomsopplegg, bubil-/campingvognparkering, osv. her.

For meir informasjon om barn- og ungdomsopplegget på Sommarens Storsamling sjå her – eller: www.facebook.com/imsungno

Vi takkar hovudsponsorane for Sommarens Storsamling 2019: