Category Archives: Diverse
Brandøyhelg 19.-20. august med BRANDØYDAGEN 20. august 2017
Brandøydag med arbeidarsamling/program dagen i forkant
Velkommen til to innhaldsrike dagar på Brandøy, anten du vil få med deg alt eller deler av helga:
Laurdag kl 1530 vert det temasamling med Ole Bjørn Landsverk, lærar v/ Staffeldsgate i Oslo. Vel verdt å høyra på! Samlinga blir open for alle, spesielt håpar me at styremedlemmer og tilsette m/evt ektefeller prioriterer denne. Så vert det middag, konsert med Sveinung Andersen og dessertbord. Det vert ikkje organisert barneopplegg laurdagen, men me har gymsal og kjekt uteområde. Me håpar at det myldrar av liv på Brandøy denne helga, både vaksne og yngre. Sjå infoplakat om Brandøylaurdag 2017
Søndag er den årlege Brandøydagen 2017 med to innhaldsrike møter, god matservering med middag og kaker. Talarar er Ingebrigt Sørfonn kl 11 og Lise Marie Thuestad Litlabø kl 14.30, JOY frå Bømlo skal syngja for oss og det blir song og musikk. Godt fellesskap og mykje aktivitet. Me satsar på utevèr, det vert iallefall leik og moro mellom møtene. Og eit flott høve til å sjå Brandøy: same flotte plassen men likevel i ei stadig utvikling. Alle velkomne!
Det er høve for alle interesserte å overnatta på Brandøy laurd – søndag. Alle betaler for dette. Påmeldingane er godt i gong, og det kan bli fullt, så meld deg gjerne på overnatting her. (Det er no sett strek for påmelding til til middagen på laurdag, fullt hus! men det er framleis ledige rom for overnatting, og god plass på konsert)
Sommarens Storsamling og Årsmøte 2017
IMS si største satsing for 2017 nærmar seg. 16.-18. juni vert Sommarens Storsamling gjennomført i Norheimsund, denne gongen i splitter nye Framnes Arena. Fredag vert det innviing av hallen og konsert. Laurdag er det bibeltime, årsmøteforhandlingar, familiekonsert, kveldsmøte, måltidsfellesskap og meir. Søndag samlar me til festmøte med søndagsskule og familiemøte, altså ei rikhaldig stemnehelg.
Påmelding her eller via IMS-kontoret er nødvendig for god planlegging.
IndremisjonsVenen 3 – 2017
Siste nummer av IndremisjonsVenen
Her finn du m.a. årsmelding og program for Sommarens Storsamling og Årsmøte på Framnes 16.-18. juni
Vårtreff på Brandøy
Mandag 24.- torsdag 27. april vert det Vårtreff -for oss over 60, på Brandøy. Dette er eit samarbeid mellom IMS og NMS.
Vi ynskjer velkommen til fine vårdagar på Brandøy. Naturen her er ei perle av Guds store skaparverk med fjord, fjell og skogkledde lier. Her kan du finna ro og kvile for kropp og sjel.
Ynskjer du melda deg på kan du ringa til Indremisjonskontoret tlf. 53 41 07 04.
Programmet finn du her: Vårtreff program
Påfyll, inspirasjon og hjelp til BU-arbeidet
Helga 17.-19. mars arrangerer ImF-UNG lederkonferanse for barne- og ungdomsledere. Arrangement på Bildøy bibelskole, sjå brosjyre her IMS håpar å sjå mange av «sine» leiarar på konferansen.
