Nokre av arbeidarane våre

Kanskje du treff dei på eit Bedehus i nærleiken av deg! Les mer

Brandøy

Brandøy er lokalisert vakkert på Bjoa i Vindafjord kommune, og har mange gode fasilitetar, bl.a. trampoline, bademoglegheiter, to volleyballbanar, basketballbane, fotballbane og kai. Les mer

Helgatun

Helgatun fjellpensjonat ligg i Myrkdalen i Voss kommune, ved foten av Vikafjellet. Plassen for overnatting, kurs, feiring av store dagar, weekend... Les mer

Framnes

Framnes Kristne Vidaregåande Skule er ein internatskule med ca. 260 elevar. Om lag 200 bur på internatet. Skulen vert driven av Indremisjonsforbundet og Indremisjonssamskipnaden. Les mer

SunnBok

SunnBok ligg i Leirvik sentrum på Stord og er ein bokhandel med kristen profil. Les mer

 

Go`fredag

gofredag-2015

Fredag 30. september arrangerer me andre året på rad Go`fredag. Dette er ein kveld det berre skal vera godt å vera deg; her skal du få slappa av i godt fellesskap med god mat; ein festkveld med smil og alvor.

Gled deg til laksepatè, eksklusiv haustsuppe og eit dessert- og kakebord med temaet sjokolade. Gjert Asle Tolås vert kveldens konferansier. Leif Nummela, vår finske talar for helga (men snakkar svensk), vil snakka om «visdom i 15 min». Kjersti og Tor Helge Valvatne m.fl. vil leia oss musikalsk igjennom kvelden.

Pris kr 300,-. Påmelding her .
Go`fredag er første sprett i Haustmøtehelga vår. Møter laurdag kl 1630 og 1930. Revy søndag.

Haustmøte 2016

haustmote-2016-utklipp1

Haustmøte-helga til IMS vert òg i år i ei innhaldsrik helg med variert program. Tema for heile helga er «Visdom».

Fredag 30.september er det eige arrangement «Go`fredag» på Leirvik bedehus, sjå eiga sak.

Laurdag 1. oktober er det to gode samlingar opent og invitert for alle, begge på Leirvik bedehus. Det vert møte med undervisning kl 16.30 og «Vi møtes» med song, tale og kveldens gjester kl 19.30. Kerysso deltek med song og musikk på begge, og Leif Nummela taler. Han er forøvrig med heile helga, både fredag kveld på bedehuset og under gudstenesta i Stord kyrkje søndag.

Søndag 2. oktober deltek altså Nummela på gudstenesta i Stord kyrkje, og søndag ettermiddag vert revyen «Glimt i auga og gløtt av himmel» sett opp på Bømlo kulturhus, Bremnes. Revyen vart skriven til 150 års-jubilèet til IMS, og tek deg med gjennom historia til indremisjon og bedehus med ei blanding av alvor og mykje humor. Billettar kan kjøpast på www.bomlokulturhus.no

Plakaten til haustmøte finn du her: haustmote-2016

Sjå òg facebooksida vår for dei ulike arrangementa. Vel møtt!

IndremisjonsVenen 4-2016

Framside nr 4

Nytt blad kjem snart i posten. Allereie no kan du ta ein kikk i  Indremisjonsvenen2016-4

Brandøydagen 2016

Brandøydagen 2016 flattern copy

 

Brandøydagen 2016

Brandøy 50 år!

Brandøy

Brandøy Misjons- og konferansesenter på Bjoa jubilerer i år! I 50 år har Brandøy først og fremst vore ein leirplass for Indremisjonssamskipnaden (IMS), men her har også vore mange forsamlingsweekendar, slektstreff, bryllaup, konfirmasjonar, stevner, og så vidare. I fjor hadde Brandøy 5978 gjestedøgn.

Vi gler oss no til å markera 50-årsjubileet 20. og 21. august 2016! Vi ynskjer velkommen til konsert med Garness laurdag 20. august kl 18.00. Søskena Linn Borgny og Benjamin Andreas Andresen Røen vil også delta på konserten. Billettar vert selde i døra.

Søndag 21. august vil vi markera jubileet saman med den tradisjonsrike Brandøydagen. Det vil verta festmøte kl 11.00 med tale av Ingebrigt S. Sørfonn, song av søskena Røen, musikk av G17-musikarar frå Skjold, og fleire kjekke innslag. Kl 14.30 rundar vi av helga med familieshow med Tore Thomassen og offentleggjering av vinnarar av jubileumslotteriet til Brandøy. Mellom søndagsmøta vert det matsalg og aktivitetar.

Eigedomen som Brandøy er bygt på, vart i si tid gitt i gåve frå Amanda Hauge til Samskipnaden. I fleire år hadde Samskipnaden hatt leirar rundt i ulike bygder i Sunnhordland, med mykje jobb med klargjering og opprydding rundt kvar leir. Ein fast leirstad i Sunnhordland hadde difor vore eit stort bøneemne for mange, og i 1965 kunne byggjearbeidet med nettopp ein slik leirstad begynna. Den flotte tomta med stort grøntareal, sjøline og skogsområde har vore til stor glede for mange born, unge og vaksne sidan det første bygget vart vigsla og teke i bruk 21. august 1966.

Sidan 1966 har det også kome fleire påbygg, og uteområdet har vorte opparbeida mykje. Opphavleg heitte leirstaden «Brandøy Ungdomsheim», men fekk i 2015 namnet «Brandøy Misjons- og konferansesenter». Ein del har forandra seg med tida på Brandøy, men føremålet er det same framleis: At Brandøy skal vera ein plass der det er lagt til rette for å gå «med Guds ord til folket», slik IMS sin visjon også er.

Hjarteleg velkommen til å feira Brandøy sitt 50-årsjubileum med oss!